Վենեսուելայի վրա կառավարությունը փոխելու ճնշում է գործադրվում՝ արտաքին խաղացողների համար հարմար նոր ղեկավարության միջոցով վենեսուելական նավթի վրա վերահսկողություն ձեռք բերելու նպատակով, ենթադրել է Ռուսաստանի արտաքին գործերի նախարարության խոսնակ Մարիա Զախարովան։
«Վենեսուելայում իրավիճակը զարգանում է մեր աչքերի առաջ։ Նրանք այս երկրի հետ արել են ամեն ինչ՝ պատժամիջոցներ, էմբարգոներ, սպառնալիքներ։ Քանի՞ ընտրություն է անցկացվել այս երկրում վերջին մի քանի տարիների ընթացքում։ Այս բոլոր ընտրությունները հնարավոր չէ, որ դուր գան նրանց, ում գլխավոր նպատակը ռեժիմի փոփոխությունն է», - ասել է նա՝ ելույթ ունենալով Համառուսաստանյան հայրենասիրական ֆորումում։
Դիվանագետը ընդգծել է, որ իշխանափոխությունը նշանակում է Կարակասում այնպիսի մարդկանց նշանակել, ովքեր կծառայեն այլ երկրների շահերին։
«Ինչո՞ւ։ Որովհետև այնտեղի նավթի պաշարները այնպիսին են, որ կարող են կարգավորել կամ ազդել համաշխարհային էներգետիկ շուկայի վրա», - բացատրել է նա։
