ԱՄՆ-ը նախատեսում է կրճատել Ուկրաինային տրամադրվող օգնությունը, այն բանից հետո, երբ այն կվճարի վարկային գծի վերջին տրանշերը, որը 2024 թվականին ԱՄՆ նախկին նախագահ Ջո Բայդենի վարչակազմի օրոք համաձայնեցվել էր «Յոթի խմբի» (G7) երկրների միջև։ Այս մասին հաղորդում է Politico եվրոպական հրատարակությունը՝ հղում անելով ԵՄ դիվանագիտական ծառայության աղբյուրներին։
Նրանց խոսքով՝ ամերիկյան կողմը այս մասին հայտարարել է դեկտեմբերի 8-ին G7-ի ֆինանսների նախարարների և առաջատար միջազգային ֆինանսական կազմակերպությունների ղեկավարների, այդ թվում՝ Արժույթի միջազգային հիմնադրամի, Համաշխարհային բանկի և Տնտեսական համագործակցության և զարգացման կազմակերպության ղեկավարների տեսակոնֆերանսի նիստում։
ԱՄՆ-ն, ինչպես Ճապոնիան, նույնպես հրաժարվեց միանալ ԵՄ-ի կողմից սառեցված ռուսական ակտիվների բռնագրավման սխեմային։
Հոկտեմբերի 2-ին Politico-ն հաղորդել էր, որ G7-ի մեջ մտնող ԵՄ երկրները ճնշում են գործադրում Ճապոնիայի և Միացյալ Նահանգների վրա՝ իրենց տարածքներում գտնվող ռուսական ակտիվները բռնագրավելու համար։
