Թուրքիայի արտաքին գործերի նախարար Հաքան Ֆիդանը հայտարարել է, որ Գազայի հատված օտարերկրյա ուժերին մուտք գործելու թույլտվություն տվող ՄԱԿ-ի Անվտանգության խորհրդի բանաձևի նախագծի շուրջ քննարկումները շարունակվում են, և փաստաթուղթն այժմ վերանայվում է շահագրգիռ կողմերի կողմից «լռության ընթացակարգի» շրջանակներում։
«Այս աշխատանքի տարբեր մասնակիցներ ունեն տարբեր տեսակետներ և առաջնահերթություններ: Դրանք մեկ տեքստի մեջ հաշտեցնելը կարող է դժվար լինել: Եվ, իհարկե, անհնար է բոլորին լիովին բավարարել: Սա դիվանագիտության և փոխզիջման անբաժանելի մասն է:
Սակայն բանաձևի այս տեքստը չպետք է խոչընդոտի խաղաղության գործընթացի ապագա իրականացմանը, չպետք է թույլ տրվի դրա խափանումը։ Բանաձևի տեքստի վրա աշխատանքը շարունակվում է։
Տեքստը ներկայումս ներկայացվում է վերանայման՝ լռության ընթացակարգով։ Մենք շարունակում ենք մեր գնահատականները կատարել և աշխատել մեր գործընկերների», - ասել է Ֆիդանը՝ մեկնաբանելով ԱՄՆ կատարած իր ուղևորության արդյունքները թուրքական լրատվամիջոցներին։
Լռության ընթացակարգը ՄԱԿ-ի անդամներին հնարավորություն է տալիս ուշադիր ուսումնասիրել բանաձևի նախագիծը, առարկություններ ներկայացնել կամ պարզաբանել իրենց դիրքորոշումը։
