Թուրքիան, որպես Գազայի հատվածում հրադադարի համաձայնագրի երաշխավորներից մեկը, շարունակում է խորհրդակցությունները այլ երկրների հետ տարածաշրջանում միջազգային կայունացման ուժերին մասնակցելու վերաբերյալ: Այս մասին հաղորդում է TRT Haber հեռուստաալիքը՝ հղում անելով հանրապետության պաշտպանության նախարարության աղբյուրներին:
«Թուրքիան, որպես հրադադարի համաձայնագրի չորս երաշխավոր երկրներից մեկը, շարունակում է դիվանագիտական և ռազմական խորհրդակցությունները այլ երկրների հետ՝ Գազայում ստեղծվող միջազգային կայունացման ուժերին մասնակցելու հարցի շուրջ», - նշել են աղբյուրները։
Նրանք հավելել են, որ այս կազմավորումները կզբաղվեն անվտանգությամբ, պարեկությամբ, քաղաքացիական ենթակառուցվածքների պաշտպանությամբ, մարդասիրական օգնություն ցուցաբերելով, սահմանային անվտանգությունն ապահովելով և հրադադարի պահպանման մոնիթորինգով։
Կառավարամետ «Հյուրիեթ» թերթը նախկինում հաղորդել էր, որ Իսրայելը դեմ է միջազգային կայունացման ուժերին թուրքական զորքերի մասնակցությանը։
