ԵՄ երկրները դեռևս չեն հասել փոխզիջման այսպես կոչված փոխհատուցման վարկային սխեմայի շրջանակներում ռուսական ակտիվների բռնագրավման վերաբերյալ, սակայն նրանք ակնկալում են առաջընթացի հասնել հոկտեմբերի 23-24-ի գագաթնաժողովում։ Այս մասին հայտարարել է ԵՄ արտաքին գործերի նախարար Կայա Կալլասը Լյուքսեմբուրգում ԵՄ արտաքին գործերի նախարարների հանդիպմանը ժամանելուն պես։
«Մենք առաջարկեցինք «փոխհատուցման վարկ»։ Մենք առաջընթաց ենք գրանցել, բայց դեռ այնտեղ չենք։ Հուսով եմ՝ գագաթնաժողովում ավելի շատ առաջընթաց կլինի», - ասել է Կալլասը։
Նա ընդունել է այս հարցի շուրջ լուրջ տարաձայնությունների առկայությունը՝ ընդգծելով, որ սա «պահանջում է փոխզիջում», և որ Եվրահանձնաժողովն այժմ աշխատում է Բելգիայի համար «համերաշխության միջոցառումների» վրա՝ ԵՄ երկրների միջև ֆինանսական ռիսկերը կիսելու համար։
Սեպտեմբերի 10-ին Եվրահանձնաժողովի նախագահ Ուրսուլա ֆոն դեր Լայենը հայտարարեց, որ Եվրահանձնաժողովը չի մտադիր առգրավել Արևմուտքում գտնվող ռուսական սառեցված ակտիվները, այլ դրանք կօգտագործի Ուկրաինային վարկեր տրամադրելու համար։
