Իսրայելցի դատաբժշկական փորձագետները նույնականացրել են պաղեստինյան ՀԱՄԱՍ շարժման կողմից Իսրայելի հետ կնքված համաձայնագրի շրջանակներում վերադարձված 10-րդ պատանդի մարմինը, շաբաթ օրը հայտնել է վարչապետ Բենիամին Նեթանյահուի գրասենյակը։
«Ազգային դատաբժշկական կենտրոնի կողմից Իսրայելի ոստիկանության և ռազմական ռաբբինատի հետ համատեղ նույնականացման գործընթացի ավարտից հետո, Իսրայելի պաշտպանության բանակի ներկայացուցիչները տեղեկացրել են պատանդ Էլիյահու Մարգալիտի ընտանիքին, որ նրա մարմինը վերադարձվել է Իսրայել, և նույնականացման գործընթացն ավարտվել է», - ասվում է հայտարարության մեջ։
Վարչապետի գրասենյակը ընդգծել է, որ ՀԱՄԱՍ-ը պարտավոր է կատարել միջնորդների նկատմամբ իր պարտավորությունները և վերադարձնել առևանգվածներին՝ համաձայնագրի շրջանակներում։
