Կանադայի կառավարության կայքում տեղադրված հաղորդագրության համաձայն՝ հոկտեմբերի 16-29-ը Կանադայի Նյու Բրանսուիկ նահանգում կանցկացվեն միջազգային պայթուցիկ զինամթերքի վնասազերծման վարժանքներ։
«Կրքոտ պաշտպան 2025» անվամբ զորավարժությունները անցկացվում են Կանադայի Գեյջթաունի զինված ուժերի բազայում:
Մասնակիցների թվում են Ավստրալիայից, Ավստրիայից, Բելգիայից, Միացյալ Թագավորությունից, Գերմանիայից, Կանադայից, Նիդեռլանդներից, Նոր Զելանդիայից, Սլովակիայից, Շվեդիայից և Չեխիայից ժամանած զինծառայողներ: Մասնակցող անձնակազմի թիվը չի նշվում:
Զորավարժությունները կկենտրոնանան չպայթած զինամթերքի և ինքնաշեն պայթուցիկ սարքերի ոչնչացման վրա, ինչպես նաև կուսումնասիրվեն պայթուցիկ սարքերի անվտանգ ոչնչացման տարբեր հնարավոր սցենարներ: Զորավարժությունների նպատակն է նաև զարգացնել համագործակցությունը երկրների զինծառայողների միջև:
