ՄԱԿ-ի գլխավոր քարտուղար Անտոնիո Գուտերեշը կոչ է արել պաղեստինյան ՀԱՄԱՍ շարժմանը անհապաղ վերադարձնել Գազայի հատվածից բոլոր պատանդներին՝ առանց որևէ պայմանի։
«Անհապաղ, անվերապահորեն ազատ արձակեք պատանդներին։ Վերջ դրեք տառապանքներին։ Սա անհավանական մասշտաբների մարդասիրական աղետ է։ Անհապաղ դադարեցրեք ռազմական գործողությունները Գազայում, Իսրայելում և տարածաշրջանում։
Դադարեցրեք քաղաքացիական անձանց ստիպել վճարել դրա համար իրենց կյանքով և ապագայով», - գրել է նա X-ում՝ Իսրայելի վրա ՀԱՄԱՍ-ի հարձակման երկրորդ տարելիցի կապակցությամբ։
Գուտերեշի խոսքով՝ ԱՄՆ նախագահ Դոնալդ Թրամփի՝ Գազայի վերաբերյալ ծրագիրը «ներկայացնում է հնարավորություն, որը պետք է օգտագործել այս ողբերգական հակամարտությունը դադարեցնելու համար»։ «ՄԱԿ-ը շարունակում է անսասան մնալ խաղաղությունը պահպանելու իր հանձնառության մեջ», - հավելել է նա։
