Արաքս գյուղում 39-ամյա տղամարդու սպանության պատճառը շանը հայհոյելն է եղել, Sputnik Արմենիային հայտնել են ՀՀ ՆԳՆ ոստիկանության մամուլի ծառայությունից։«Դեպքից կարճ ժամանակ անց ոստիկանության ծառայողները հայտնաբերել են Արաքսի 33-ամյա բնակչին, ձերբակալել և տեղափոխվել համայնքային ոստիկանություն։ Անձնական խուզարկությամբ նրա մոտ հայտնաբերվել է մետաղյա խողովակ և մարիխուանա տեսակի թմրամիջոցի նմանվող զանգվածով լցված կաթուցիչ։
Նախաձեռնվել է քրեական վարույթ»,- հայտնում են ոստիկանությունից։Սպանություն կատարած անձը նախկինում մի քանի անգամ հայտնվել է իրավապահների ուշադրության կենտրոնում, նրա տուն ստուգայցեր են արվել, սակայն զենք չի հայտնաբերվել։Հիշեցնենք, որ երեկ Արմավիրում կրկին կրակոցներ են հնչել։
«Արմավիրի մարզի Արաքս գյուղում քիչ առաջ զենքի գործադրմամբ նոր միջադեպ է եղել: Ինձ հայտնեցին, որ այս պահին լարված իրավիճակ է Արաքս գյուղում: Երկու համագյուղացիների միջև ծագած վեճն այնպես է թեժացել, որ կողմերից մեկը կրակել է մյուսի վրա: Տուժողը հրազենային վիրավորումով տեղափոխվել է հիվանդանոց»,–հայտնել էր լրագրող Լիա Սարգսյանը։
