Արաբական և իսլամական առաջնորդների արտակարգ գագաթնաժողով՝ կապված Դոհայում պաղեստինյան ՀԱՄԱՍ շարժման ղեկավարության վրա Իսրայելի հարձակման հետ, տեղի կունենա էմիրության մայրաքաղաքում սեպտեմբերի 14-15-ը, ասվում է Կատարի լրատվական գործակալության կողմից երկրում հավատարմագրված լրագրողներին ուղղված հաղորդագրության մեջ։
Կատարի վրա Իսրայելի հարձակման քննարկման համար կազմակերպված գագաթնաժողովը տեղի կունենա «Շերատոն» հյուրանոցում: Արտաքին գործերի նախարարների մակարդակով նախապատրաստական հանդիպումը կկայանա կիրակի՝ սեպտեմբերի 14-ին: Սակայն գործակալությունը չի նշել, թե առաջնորդներից որ մեկը կմասնակցի միջոցառմանը:
Սեպտեմբերի 9-ին Դոհայում մի շարք պայթյուններ տեղի ունեցան։ Կարճ ժամանակ անց Իսրայելի բանակի մամուլի ծառայությունը հայտնեց, որ զինված ուժերը՝ Գլխավոր անվտանգության ծառայության աջակցությամբ և Ռազմաօդային ուժերի մասնակցությամբ, հարվածներ են հասցրել Համասի ներկայացուցիչների դեմ։
