Չեխիան պատրաստ է Լեհաստան ուղարկել երեք ուղղաթիռ և մինչև 150 զինծառայող՝ անօդաչու թռչող սարքերի դեմ պայքարելու համար, հաղորդում է ČTK լրատվական գործակալությունը։
Գործակալության տվյալներով՝ Լեհաստանը դիմել է Չեխիայի Հանրապետությանը՝ ազգային օդային տարածքը անօդաչու թռչող սարքերի ներթափանցումից պաշտպանելու հարցում օգնելու խնդրանքով։
Չեխիայի ռազմաօդային ուժերի հատուկ հագեցած Մի-171 ուղղաթիռները կօգնեն լեհական բանակին ցածր բարձրություններում ապահովել Եվրոպայի օդային տարածքի անվտանգությունը։
ČTK-ի տվյալներով՝ ուղղաթիռային ստորաբաժանումը կարող է մինչև երեք ամիս կատարել Լեհաստանի երկնքի պաշտպանության առաջադրանքներ։ Լեհաստանում անօդաչու թռչող սարքի միջադեպին ի պատասխան՝ Չեխիայի ղեկավարությունը աջակցություն է հայտնել երկրին և հայտարարել Եվրամիության և ՆԱՏՕ-ի արևելյան սահմանին օդային պաշտպանությունը ամրապնդելու անհրաժեշտության մասին։
