ԱՄՆ նախագահ Դոնալդ Թրամփը հայտարարել է, որ մոտ ապագայում պլանավորում է հեռախոսազրույց ունենալ իր ռուս գործընկեր Վլադիմիր Պուտինի հետ։
«Ես դա կանեմ։ Մենք շատ լավ երկխոսություն ունենք», – Սպիտակ տանը լրագրողներին ասել է նա։ Նա նշել է, որ նախկինում կարծում էր, որ Ուկրաինայի ճգնաժամի լուծումն իր համար ավելի հեշտ կլինի, քան աշխարհի մյուս զինված հակամարտությունները՝ Պուտինի հետ իր լավ անձնական հարաբերությունների շնորհիվ, սակայն գործընթացը շատ ավելի դժվար է եղել։
Սեպտեմբերի 4-ին Փարիզում կազմակերպվեց «կամավորների կոալիցիայի» հանդիպում, որտեղ, ի թիվս այլ բաների, քննարկվեցին Ուկրաինայի անվտանգության երաշխիքները։
Դրա ընթացքում եվրոպացի առաջնորդները հեռախոսազրույց ունեցան Թրամփի հետ։
