ԱՄՆ քսան նահանգներ դատական հայց են ներկայացրել ԱՄՆ նախագահ Դոնալդ Թրամփի վարչակազմի դեմ՝ փորձելով կանխել հնարավոր բնական աղետներից պաշտպանությանն ուղղված դրամաշնորհային ծրագրի չեղարկումը, հաղորդում է Axios պորտալը։
«Միակողմանիորեն դադարեցնելով FEMA-ի աղետների հետևանքների մեղմացման առաջատար ծրագիրը՝ պատասխանողները գործել են անօրինական և խախտել իշխանությունների տարանջատման հիմնարար սկզբունքները», - ասվում է դատական հայցերից մեկում։
Ապրիլին FEMA-ն հայտարարեց, որ դադարեցնում է «Կայուն ենթակառուցվածքների և համայնքների կառուցում» ծրագիրը՝ հայտարարելով նման «անօգուտ և քաղաքականացված» ծախսերի վերջի մասին, հիշեցնում է Axios-ը: Գործակալությունը, ըստ հայտարարության, վերադառնում է իր հիմնական առաքելությանը՝ «օգնել ամերիկացիներին վերականգնվել աղետներից»:
Հրատարակությունը նշում է, որ FEMA-ի, Հայրենիքի անվտանգության նախարարության և դրա տնօրեն Քրիստի Նոեմի դեմ դատական հայցեր ներկայացրած նահանգների մեծ մասը ղեկավարում են դեմոկրատները։
