Իսրայելի ռազմաօդային ուժերի երեք ուղղաթիռներ այսօր վաղ առավոտյան զորքեր են իջեցրել Սիրիայի Յաֆուր քաղաքում, որը գտնվում է Դամասկոսից 10 կմ հեռավորության վրա, հաղորդում է «Ալ Մայադին» հեռուստաալիքը։
Իսրայելական հատուկ նշանակության զորքերը մաքրել են նախկին Հանրապետական գվարդիայի բազան, որը գտնվում էր այս տարածքում։ Գործողությունը տևել է մոտ հինգ ժամ, որից հետո իսրայելցի զինվորականները ուղղաթիռով լքել են Սիրիայի տարածքը։
Հեռուստաալիքի տվյալներով՝ իսրայելական բանակի մեքենայացված պարեկային խմբերը առավոտյան հայտնվել են Ռահլե գյուղում, որը գտնվում է Դամասկոսից արևմուտք՝ լիբանանա-սիրիական սահմանին։ Դրանք նկատվել են նաև Այն Դեկեր և Սաիսուն շրջաններում՝ Յարմուկ գետի վրա, Դարաա նահանգի հարավում, որտեղ մաքրման գործողությունը իրականացվել է հուլիսի 2-ին։
Գործողության ընթացքում հայտնաբերվել են զինյալների թաքստոցներ և զենքի պահեստներ։ Ձերբակալվածների մի խումբ տարվել է Իսրայելի տարածք։
Ավելի վաղ Իսրայելի վարչապետ Բենիամին Նեթանյահուն պահանջել էր Սիրիայի հարավի «լիակատար ապառազմականացում» և հայտարարել, որ թույլ չի տա այնտեղ որևէ զինված խմբավորման ներկայություն։
