Գերմանիայի կաբինետի պաշտոնական ներկայացուցիչ Ստեֆան Կոռնելիուսը հաստատել է ԱՄՆ-ի հետ բանակցություններ վարելու մասին Patriot հակաօդային պաշտպանության համակարգերի գնման և դրանց հետագա Կիևին փոխանցման հարցի շուրջ։
«Կան այս բացը կրկին Patriot-ի հետ լրացնելու տարբեր եղանակներ, դուք դրանցից մեկը նշեցիք`բանակցություններ ԱՄՆ-ի հետ», - լրագրողներին ասել է նա ճեպազրույցի ժամանակ՝ պատասխանելով այն հարցին, թե արդյոք Գերմանիայի կառավարությունը պլանավորում է ԱՄՆ-ից գնել հակաօդային պաշտպանության համակարգեր՝ դրանք հետագայում Կիևին փոխանցելու համար։
Կոռնելիուսը նշել է, որ Բեռլինը Վաշինգտոնի կողմից Կիևին մի շարք զենքի մատակարարումները դադարեցնելու որոշումը ընկալում է որպես «ժամանակավոր ազդանշան»։ «Սակայն շատ ինտենսիվ բանակցություններ են ընթանում այն մասին, թե ինչպես շարունակել ակտիվորեն մատակարարել Ուկրաինային, հիմնականում՝ ՀՕՊ համակարգերով», - ասել է կաբինետի ներկայացուցիչը։
