Գերմանիայի իշխանությունները մտադիր են կրկնապատկել պահեստազորայինների թիվը՝ հասցնելով 200,000-ի՝ ներդնելով վեցամսյա կամավորական զինվորական ծառայություն, հաղորդում է Reuters-ը՝ հղում անելով իր աղբյուրներին։
Նրանց խոսքով՝ նոր ծրագրերի համաձայն՝ նորակոչիկները վեց ամիս կուսուցանվեն «կատարելու պարզ առաջադրանքներ, ինչպիսին է պահակային ծառայությունը»։ Այս կերպ Գերմանիան հույս ունի կրկնապատկել պատրաստված պահեստազորայինների թիվը ներկայիս 100,000-ից։
Գործակալության տվյալներով՝ պաշտպանության նախարարությունը հրաժարվել է մեկնաբանել այս հարցը։
Ինչպես ավելի վաղ հայտարարել էր Գերմանիայի պաշտպանության նախարար Բորիս Պիստորիուսը, Բունդեսվերի (Գերմանիայի զինված ուժերի) թվաքանակը պետք է ավելացվի 50-60 հազարով։
