Ուկրաինային աջակցելու հարցը եվրոպական երկրները փորձեցին չքննարկել Հաագայում ՆԱՏՕ-ի գագաթնաժողովում։ Այս մասին հաղորդում է The New York Times-ը (NYT):
Ինչպես գրում է հրատարակությունը, Ուկրաինայի հակամարտությունը, որը վերջին ՆԱՏՕ-ի գագաթնաժողովների հիմնական թեմաներից մեկն էր, մղվել է երկրորդ պլան։ Վլադիմիր Զելենսկին այլևս ուշադրության կենտրոնում չէր, ինչպես նախկինում։
Թերթը ընդգծում է, որ գագաթնաժողովի պաշտոնական հռչակագրում որևէ հիշատակում չկար Ուկրաինայի դաշինքին միանալու մասին, որը երկար ժամանակ քննարկման թեմա էր եղել։ Հրատարակությունը գրում է, որ եվրոպացիները, որոնք նախկինում հայտարարել էին, որ հանձնառու են աջակցել Ուկրաինային, փորձել են չքննարկել վիճելի հարցերը Հաագայում։
«New York Times»-ը կարծում է, որ գագաթնաժողովի բոլոր մասնակիցները, այդ թվում՝ Զելենսկին, փորձում էին հաճոյանալ ԱՄՆ նախագահ Դոնալդ Թրամփին, ով այդքան էլ հետաքրքրված չէր ուկրաինական հակամարտության քննարկմամբ։
Ավելի վաղ հաղորդվել էր, որ Հաագայում ՆԱՏՕ-ի գագաթնաժողովի կազմակերպիչները Զելենսկիին չեն հրավիրել պաշտոնական միջոցառումներին։
