Թուրքիայի նախագահ Ռեջեփ Թայիփ Էրդողանը հայտարարել է, որ ԱՄՆ նախագահ Դոնալդ Թրամփի հետ հանդիպմանը չի բարձրացրել ռուսական S-400 հակաօդային պաշտպանության հրթիռային համակարգի հարցը, սակայն նրա հետ քննարկել է F-35 կործանիչների ձեռքբերման հնարավորությունը։
«Մենք Թրամփի հետ մեր հանդիպման ժամանակ չենք քննարկել S-400-ը։ Դա մեր օրակարգում չէր։ Եվ այդ հարցն արդեն փակված է, դա լուծված հարց է։ Մենք քննարկել ենք F-35-ի հարցը», - ասել է Էրդողանը ՆԱՏՕ-ի գագաթնաժողովից հետո Հաագայում լրագրողների հետ զրույցի ժամանակ։
Նա հավելել է, որ Անկարան «շարունակում է աշխատանքները Eurofighter կործանիչներ գնելու թեմայով»։ «Այն շարունակվում է Մեծ Բրիտանիայի և Գերմանիայի հետ։ Մենք հույս ունենք, որ այս երկու երկրները նույնպես դրականորեն կընկալեն մեր բարի մտադրությունները», - ասել է Էրդողանը։
