ՆԱՏՕ-ի գագաթնաժողովի մասնակիցները մտադիր են քննարկել Ուկրաինայի հակամարտությանը աջակցություն ցուցաբերելու, ինչպես նաև Կիևին ռազմական մատակարարումներով ապահովելու հարցերը «առաջիկա տարիների համար», հայտարարել է ՆԱՏՕ-ի գլխավոր քարտուղար Մարկ Ռյուտեն։
«Մենք կքննարկենք Ուկրաինային աջակցությունը, առաջիկա տարիների ռազմական օգնությունը», - ասել է Ռյուտեն՝ հավելելով, որ այս զենքի մատակարարումները, ենթադրաբար, կօգնեն Կիևին «հասնել արդար խաղաղության»։
Ռյուտեն կրկնել է իր այն թեզը, որ Ռուսաստանը, իբր, ռազմական սպառնալիք է ներկայացնում ՆԱՏՕ-ի համար, ուստի, դաշինքի բոլոր երկրները պետք է ավելացնեն իրենց պաշտպանական ծախսերը։ Նա ընդգծել է, որ սա վերաբերում է նաև այնպիսի երկրների, ինչպիսիք են Իսպանիան և Բելգիան, որոնք նախկինում զիջումների էին դիմել ՆԱՏՕ-ի ռազմական ծախսերը մեծացնելու ծրագրերի շրջանակներում։
ՆԱՏՕ-ի առաջնորդները չորեքշաբթի օրը Հաագայում կայանալիք գագաթնաժողովում կորոշեն մինչև 2035 թվականը ՆԱՏՕ-ի ռազմական ծախսերը ՀՆԱ-ի ներկայիս 2%-ից հասցնել 5%-ի։
