ՆԱՏՕ-ի ռազմական ծախսերի ՀՆԱ-ի 5%-ին հասցնելը թույլ կտա Միացյալ Նահանգներին կենտրոնանալ ամերիկյան ռազմական ռեսուրսների վերաբաշխման վրա աշխարհի այլ տարածաշրջաններում, հայտարարել է ԱՄՆ պետքարտուղար Մարկո Ռուբիոն։
«Եթե բոլորը հավատարիմ մնան իրենց պարտավորություններին, դա կլինի շատ ավելի ուժեղ դաշինք՝ շատ ավելի կարող գործընկերներով։ Անկեղծ ասած, դա թույլ կտա Միացյալ Նահանգներին մնալ կենսունակ, ուժեղ անդամ, ամենամեծ անդամը, բայց նաև թույլ կտա վերաբաշխել ռեսուրսները աշխարհի այլ մասերում՝ առանց դաշինքի ուժը նվազեցնելու», - ասել է նա Politico-ին։
Հաագայում կայանալիք ՆԱՏՕ-ի գագաթնաժողովում դաշինքի պետությունների և կառավարությունների ղեկավարները, ինչպես սպասվում է, կորոշեն մինչև 2035 թվականը ռազմական ծախսերը ՀՆԱ-ի ներկայիս 2%-ից հասցնել 5%-ի։
