Ուկրաինան միանում է ՆԱՏՕ-ի ավիացիոն համակարգին: Ուկրաինայի զինված ուժերի կործանիչները դաշնակիցների հետ կհամակարգվեն թվային ինտերֆեյսի միջոցով։
Այս մասին հայտարարել է Ուկրաինայի թվայնացման հարցերով պաշտպանության փոխնախարար Կատերինա Չեռնոգորենկոն։
Ուկրաինան ստորագրել է ՆԱՏՕ-ի ծրագրային ապահովման՝ Control and Alert Center System Interface (CRC System Interface, CSI) օգտագործման լիցենզային պայմանագիրը:
Այս քայլը հնարավորություն կտա Ուկրաինայի ռազմաօդային ուժերին գործել միասնական թվային համակարգում՝ դաշինքի երկրների ավիացիայի հետ։
CSI-ն մարտական կառավարման համակարգի մի մասն է, որը գործում է Link-16 արձանագրության միջոցով, որը հայտնի է որպես ՆԱՏՕ-ի «ռազմական Wi-Fi»:
Հենց այս արձանագրության միջոցով է տեղեկատվությունը փոխանակվում ինքնաթիռների (մասնավորապես՝ F-16 և Mirage 2000), հակաօդային պաշտպանության և հակահրթիռային պաշտպանության համակարգերի (Patriot) և պաշտպանական այլ բաղադրիչների միջև։
Պայմանագիրը կյանքի է կոչվել այդ երկրի պաշտպանության նախարարության, գլխավոր շտաբի, ռազմաօդային ուժերի և միջազգային գործընկերների համատեղ ջանքերի շնորհիվ։
Նշվում է, որ ծրագիրն օգտագործվում է Դաշինքի գրեթե բոլոր անդամների կողմից, ուստի դրա ինտեգրումը գործընկերների հետ ուկրաինական ուժերի լիարժեք փոխգործունակության բանալին է:
«Մենք ոչ միայն երազում ենք դաշնակիցների հետ համատեղ գործողությունների, այլ այն իրականություն դարձնելու մասին»,- գրել է Չեռնոգորենկոն։
