Եվրամիությունը, հետևելով ԱՄՆ-ին, մտադիր է երեքշաբթի օրը համաձայնության գալ Սիրիայի դեմ տնտեսական պատժամիջոցների չեղարկման շուրջ, հայտարարել է ԵՄ արտաքին գործերի նախարար Կայա Կալլասը։
«Սիրիայի հարցով, հուսով եմ, մենք այսօր կհամաձայնենք չեղարկել տնտեսական պատժամիջոցները», - լրագրողներին ասել է ԵՄ բարձրաստիճան դիվանագետը Բրյուսելում արտգործնախարարների հանդիպումից առաջ։
Եվրամիությունը, որը երկար տարիներ բոյկոտել է նախկին նախագահ Բաշար ալ-Ասադի կառավարությանը, ակտիվ երկխոսություն է վարում Սիրիայի նոր իշխանությունների հետ։
Փետրվարի վերջին Եվրամիությունը սկսեց չեղարկել Սիրիայի դեմ պատժամիջոցները՝ վերացնելով մի շարք սահմանափակումներ էներգետիկայի, տրանսպորտի և բանկային ոլորտներում։
