Ուկրաինան և Չեխիան պայմանավորվել են համագործակցել F-16 կործանիչների համար ուկրաինացի օդաչուների պատրաստման հարցում, հայտարարել է Ուկրաինայի վարչապետ Դենիս Շմիհալը։
Մայիսի 4-ին Վլադիմիր Զելենսկին ասել է, որ Կիևը և Պրահան բանակցում են F-16 կործանիչների օդաչուների պատրաստման համատեղ դպրոցի ստեղծման շուրջ, որը տեղակայված կլինի Ուկրաինայի սահմաններից դուրս։
«Մենք պայմանավորվել ենք համագործակցել ուկրաինական F-16 օդաչուների վերապատրաստման հարցում», - ասել է Շմիհալը Չեխիայի վարչապետ Պետր Ֆիալայի հետ հանդիպումից հետո կայացած ճեպազրույցում, որը հեռարձակվել է Ուկրաինայի կառավարության YouTube ալիքով։
Այլ մանրամասներ նա չի հայտնել։ Շմիհալը հավելել է, որ Ուկրաինան և Չեխիան նույնպես մտադիր են ուժեղացնել «ուկրաինական և չեխական պաշտպանական արդյունաբերության ինտեգրումը»։
