ԵՄ-ն կֆինանսավորի «Ազատություն» ռադիոկայանը և իր բյուջեից 5,5 միլիոն եվրո է հատկացրել դրա համար:
Այս մասին հայտարարել է եվրոպական դիվանագիտության ղեկավար Կայա Կալլասը ԵՄ ԱԳ նախարարների հանդիպման արդյունքներով կայացած մամուլի ասուլիսում։
«Նախարարները պայմանավորվել են 5,5 միլիոն եվրո հատկացնել «Ազատություն» ռադիոկայանի ֆինանսավորման համար», - ասել է նա։ Նրա խոսքով, ԵՄ-ն «նպատակ ունի ապահովելու, որ «Ազատություն» ռադիոկայանը շարունակի գործել ԵՄ-ի հարևան երկրներում, ինչպես նաև Հյուսիսային Կովկասում և Կենտրոնական Ասիայում:
«Սա կարճաժամկետ ֆինանսավորում է, այժմ ԵՄ երկրները պետք է իրենց միջև համաձայնություն գտնեն երկարաժամկետ ֆինանսավորման վերաբերյալ»,- հավելել է Կալլասը։
Հիշեցնենք, որ մարտի կեսերին ԱՄՆ նախագահ Դոնալդ Թրամփը գործադիր հրաման է ստորագրել՝ զգալիորեն կրճատելով ԱՄՆ կառավարության Գլոբալ ԶԼՄ-ների գործակալության (USAGM) և մի շարք այլ պետական կառույցների գործունեության շրջանակները։ USAGM-ը, ի թիվս այլ բաների, վերահսկում էր «Ազատ Եվրոպա/Ազատություն» մեդիա կորպորացիան:
