Ոսկու գինը նվազել է ավելի քան 3%-ով՝ հասնելով վերջին մեկ շաբաթվա նվազագույնին, երբ ԱՄՆ-ն և Չինաստանը հայտարարեցին փոխադարձ մաքսերի կրճատման շուրջ համաձայնության մասին։ Թուլացած լարվածությունը նվազեցրել է ներդրողների պահանջարկը անվտանգ ակտիվների նկատմամբ։
Միջազգային գին՝ 1 ունցիան կազմել է $3,223.57՝ 3.1% անկմամբ։ Դոլարի ինդեքսը աճել է ավելի քան 1%-ով՝ դարձնելով ոսկին թանկ այլ արժույթների տերերի համար։ Արծաթը նվազել է 1.2%-ով՝ հասնելով $32.28-ի, պլատինը՝ 1.7%-ով ($978.5), պալադիումը՝ 1.5%-ով ($961.17)։
UBS վերլուծաբան Ջովանի Սթաունովոն նշել է, որ ԱՄՆ-Չինաստան համաձայնությունը ժամանակավորապես թուլացրել է «անվտանգ գույքի» պահանջարկը, սակայն կանխատեսում է, որ գները կմնան փոփոխական՝ մինչև տոկոսադրույքների հնարավոր նվազեցում։ Վերլուծաբանները նաև հետևում են ԱՄՆ սպառողական գների ինդեքսի (CPI) հրապարակմանը, որը կարող է ազդել Դաշնային պահուստային համակարգի քաղաքականության վրա, հայտնում է Reuters-ը։
