Ռուսաստանի կառավարությունը մինչև սեպտեմբերի 30-ը ներառյալ երկարաձգել է դիզելային և նավային վառելիքի, ինչպես նաև գազոյլների արտահանման արգելքը՝ անմիջական արտադրողների համար։
Ավելի վաղ սահմանափակումը գործում էր մինչև օգոստոսի 31-ը։ ՌԴ կառավարությունում նշել են, որ որոշումն ընդունվել է ներքին վառելիքի շուկայում կայունությունը պահպանելու նպատակով։
Միաժամանակ, Ռուսաստանում վառելիքի արտահանման այլ սահմանափակումներ նույնպես գործում են․ մասնավորապես, որոշ կատեգորիաների վառելիքի արտահանման ընդհանուր արգելքը նախատեսված է մինչև 2027 թվականի հունվարի 31-ը։
