Իսրայելի պաշտպանության նախարար Իսրայել Կացն ասել է, որ Թեհրանը կբախվի սարսափելի հետևանքների, եթե տարածաշրջանի տարբեր խմբավորումներ, ինչպիսիք են Անսար Ալլահը (Հութիները) Եմենում կամ Հեզբոլլահը Լիբանանում, շարունակեն սպառնալ կամ հարձակվել Թել Ավիվի վրա, հաղորդում է նախարարության մամուլի ծառայությունը։
«Ես նաև զգուշացնում եմ Իրանի ղեկավարությանը, որ ֆինանսավորում, զինում և ղեկավարում է Հութի ահաբեկչական կազմակերպությունը. վստահված անձերի համակարգը ավարտված է, և չարի առանցքը փլուզվել է: Դուք (Իրանի իշխանությունները) անմիջական պատասխանատվություն եք կրում:
Մենք ձեզ հետ Թեհրանում կանենք նույնը, ինչ արեցինք Բեյրութում Հեզբոլլահի, Գազայում Համասի, Դամասկոսում Ասադի և Եմենի հութիների հետ»,- ասել է նախարարը։
Նախարարի խոսքով՝ Իսրայելը պետք է կարողանա ինքնուրույն պաշտպանվել ցանկացած սպառնալիքից և ցանկացած թշնամուց, ուստի, հութիների՝ Իսրայելի տարածքի վրա հարձակումները շարունակելու փորձերը կհանգեցնեն ծանր հետևանքների։
