Չինական BYD-ը, որը դարձել է երկրի առաջատար ավտոարտադրողը, նպատակ ունի մինչև 2030 թվականը վաճառքների կեսը իրականացնել Չինաստանի սահմաններից դուրս։ Ընկերությունը կենտրոնանում է Եվրոպայի և Լատինական Ամերիկայի վրա, քանի որ մուտքը ԱՄՆ շուկա արգելափակված է բարձր մաքսատուրքերով, հայտնում է Reuters-ը։
BYD-ն արդեն ունի գործարաններ Թաիլանդում, շուտով կբացի Հունգարիայում և Թուրքիայում, և նախատեսում է եվրոպական երրորդ արտադրամասը։ 2024-ին ընկերությունը վաճառել է ավելի քան 4 միլիոն մեքենա, որոնց 90%-ը՝ Չինաստանում։Նպատակն է վաճառքը հասցնել 10 միլիոնի՝ մրցակցելով Toyota-ի ու Volkswagen-ի մակարդակի հետ։ Սակայն առանց ԱՄՆ շուկայի հասանելիության՝ նպատակին հասնելը մնում է բարդ։
