Հնդկաստանը ՄԱԿ-ի Անվտանգության խորհրդի դեսպաններին, այդ թվում՝ Ռուսաստանին, տեղեկացրել է Պակիստանի դեմ իր ռազմական գործողության մասին՝ ասելով, որ այն ուղղված է ոչ թե էսկալացիայի, այլ զսպման: Այս մասին հայտնում է Hindu թերթը՝ վկայակոչելով կառավարական աղբյուրները։
Գործողության մեկնարկից մի քանի ժամ անց Հնդկաստանի ԱԳՆ ղեկավարի առաջին տեղակալ Վիկրամ Միսրին հանդիպում է ունեցել ՄԱԿ-ի Անվտանգության խորհրդի մշտական և ոչ մշտական անդամ երկրների ներկայացուցիչների հետ։
Ըստ Hindu-ի՝ դրան մասնակցել են դեսպաններ Ռուսաստանից, Չինաստանից, ԱՄՆ-ից, Մեծ Բրիտանիայից, Ֆրանսիայից և ոչ մշտական անդամ երկրներից՝ Ալժիրից, Դանիայից, Հունաստանից, Գայանայից, Պանամայից, Հարավային Կորեայից, Սլովենիայից, Սոմալիից։Նա ընդգծել է, որ գործողությունը եղել է «նպատակային, չափված և ոչ էսկալացիոն» և ուղղված է Հնդկաստանի դեմ պլանավորված հետագա հարձակումները զսպելուն ու կանխելուն։
Միսրին ընդգծել է, որ Հնդկաստանը կպատասխանի Պակիստանի կողմից ցանկացած ռազմական էսկալացիայի։
