Հինգ իրավապաշտպանների նախաձեռնությունը հատնել է հսկող դատախազին՝ Սամվել Վարդանյանին խոշտանգելու գործով երկու ոստիկանների նկատմամբ հանրային քրեական հետապնդում հարուցելու միջնորդություն ներկայացնելու մասին։
«Հիմք ընդունելով ուրբաթ օրը ԱԺ պետական-իրավական հարցերի հանձնաժողովում Սամվել Վարդանյանին խոշտանգման ենթարկելու գործով գլխավոր դատախազի արտահայտած օրինականության ու արագության հանձնառությունը՝ անհրաժեշտ ենք համարում լրացուցուցիչ դատավարական միջոցներով օգնել ՀՀ դատախազությանը՝ կատարելու այդ հանձնառությունը։
Մասնավորապես, այսօր հսկող դատախազին ներկայացրել ենք Սամվելին ուղեկցող երկու ոստիկանների նկատմամբ հանրային քրեական հետապնդում հարուցելու միջնորդություն։
Միաժամանակ, վերահաստատում ենք մեր սկզբնական մոտեցումն առ այն, որ այդ անձանց նկատմամբ հանրային քրեական հետապնդում հարուցելու բոլոր հիմքերն առկա են եղել դեռևս մեկ տարի առաջ։Ըստ օրենքի՝ հսկող դատախազն ունի 7 օր՝ մեր միջնորդությունը բավարարելու կամ մերժելու համար։Սամվել Վարդանյանի լիազոր ներկայացուցիչներՎարազդատ ՀարությունյանՌուբեն Մելիքյան»,– ասված է հաղորդագրության մեջ։
