ԱՄՆ Պետդեպարտամենտը դիտարկում է արտերկրում մոտ 30 դիվանագիտական ներկայացուցչությունների փակման հարցը։ Այս մասին հայտնում է New York Times-ը (NYT)՝ վկայակոչելով գերատեսչության ներքին փաստաթուղթը։
Ամերիկյան լրատվամիջոցները դեռ մարտին հայտնել էին արտասահմանյան ներկայացուցչությունների և այնտեղ աշխատող անձնակազմի պլանավորված կրճատման մասին, սակայն այն ժամանակ խոսվում էր միայն մոտ տասը հյուպատոսությունների փակման մասին։
Պարբերականի տվյալներով՝ դիվանագիտական ներկայացուցչությունների մեծ մասը, որոնք նախատեսվում է փակել, գտնվում են Եվրոպայում և Աֆրիկայում։ Դրանք են՝ Մալթան, Լյուքսեմբուրգը, Լեսոտոն, Կոնգոյի Հանրապետությունը, Կենտրոնական Աֆրիկյան Հանրապետությունը, Հարավային Սուդանը, Էրիթրեան, Գամբիան, Մալդիվների Հանրապետությունը և Գրենադան։ Այս բոլոր երկրները կարող են փակ տեսնել իրենց դեսպանատները:
Փաստաթղթով առաջարկվում է նաև ամբողջությամբ փակել կամ զգալիորեն կրճատել Սոմալիում դեսպանատունը և Բաղդադում դիվանագիտական աջակցության կենտրոնը։
