Արևմուտքն օգտագործում է ռուսական երևակայական սպառնալիքի առասպելը՝ սպառազինությունների մրցավազքը մեծացնելու համար, հայտարարել է ՌԴ ԱԳ նախարար Սերգեյ Լավրովը Արտաքին և պաշտպանական քաղաքականության խորհրդի XXXII վեհաժողովում (SWOP), փոխանցում է ՏԱՍՍ-ը։
«Եվրոպական պետությունների բանակների չափը և մարտունակությունը վերականգնելու, ՆԱՏՕ-ի երկրների ռազմարդյունաբերական համալիրները պատերազմական ռեժիմի տեղափոխելու գիծ է կիրառվել, և աշխատանքները սկսվել են, մինչ այժմ դա մտածողական է, միջուկային բաղադրիչով եվրոպական ռազմական դաշինքի ստեղծման ուրվագծերի շուրջ»,- ասաց նա։ Լավրովի խոսքով՝ Ռուսաստանը կպաշտպանի իր շահերը ուկրաինական ուղղությամբ և Արևմուտքի հետ հարաբերություններում։
«Դա հասկանում են աշխարհի գրեթե բոլոր օտարերկրյա գործընկերները, որոնց հետ մենք շփվում ենք»,- ասաց նա։ ՌԴ ԱԳՆ ղեկավարի խոսքով՝ Շվեյցարիայում Ուկրաինայի հարցով գագաթնաժողովի կազմակերպիչները զբաղված են «բացահայտ անհեթեթություններով», որոնք «հեռանկար չունեն»։
Ռուսաստանն Ուկրաինային հեռահար զենքի մատակարարումների արևմուտքի ավելացումն ընկալում է որպես ազդանշան, որ իրենք պատրաստ չեն լուրջ խոսակցության, հավելել է նա։
«Սա նշանակում է, որ նրանք ընտրություն են կատարել հօգուտ մարտի դաշտում դիմակայության», - ասել է Սերգեյ Լավրովը։
