Եվրոպական ֆուտբոլային ասոցիացիաների միության (ՈՒԵՖԱ) 50-րդ հոբելյանական կոնգրեսը տեղի կունենա 2026 թվականի փետրվարի 12-ին Բրյուսելում։ Այս մասին X սոցիալական ցանցում հայտնել է կազմակերպության մամուլի ծառայությունը։
Հիշեցնենք՝ ՈՒԵՖԱ-ի այսօրվա կոնգրեսի օրակարգի կետերից մեկը ՈՒԵՖԱ-ի Գործադիր կոմիտեի անդամների ընտրությունն էր:
ՈՒԵՖԱ-ի անդամ 55 ասոցիացիաների ներկայացուցիչների քվեարկության արդյունքում ՀՖՖ նախագահ Արմեն Մելիքբեկյանն ընտրվել է ՈՒԵՖԱ-ի Գործադիր կոմիտեի անդամ՝ քառամյա պաշտոնավարման ժամկետով:
