Թուրքիան, ԱՄՆ նոր վարչակազմի օրոք, ակնկալում է բարելավել երկկողմ անվտանգության հարաբերությունների մակարդակը, հայտարարել է Թուրքիայի արտգործնախարար Հաքան Ֆիդանը Al Jazeera Arabic-ին տված հարցազրույցում։
«Թուրքիա-ԱՄՆ հարաբերությունների հիմնական առանցքը միշտ եղել է անվտանգությունը, մեր նախագահն ասել է, որ անվտանգությունը կարևոր հենարան է, բայց հիմա, երբ մենք ապրում ենք ժամանակակից աշխարհում, տնտեսությունն անվտանգությունից պակաս կարևոր չէ, ուստի, եկեք երկու երկրների միջև առևտրի ծավալը հասցնենք 100 միլիարդ դոլարի։
Սա կարևոր փոփոխություն էր։ Այժմ, մենք ցանկանում ենք հասնել մի կետի, երբ մեր տնտեսական հարաբերությունները կլինեն առնվազն նույնքան կարևոր, որքան մեր անվտանգության հարաբերություններն են»,-ասել է Թուրքիայի ԱԳՆ ղեկավարը։
