Նորվեգիայի՝ ԵՄ մտնելու հարցով նոր հանրաքվեի անցկացումը «իրատեսական է», բայց ոչ առաջիկա տարիներին, ամենայն հավանականությամբ՝ 10 տարի հետո, կարծում է Նորվեգիայի փոխարտգործնախարար Մարիա Վարտերեսյանը։
Ինչպես Վարտերեսյանն ասել է իսպանական Pais թերթին տված հարցազրույցում, իրատեսական է համարում երկրում հերթական հանրաքվեի անցկացումը, «բայց ոչ այս պահին»։
Նա նշել է, որ արդյունքը հավանաբար չի լինի ԵՄ-ին անդամակցելու օգտին։ Միաժամանակ, Վարտերեսյանի խոսքով, երկրում աճում է փոխըմբռնումն ու աջակցությունը ԵՄ-ի հետ ավելի սերտ համագործակցության համար՝ հիմնված Եվրոպական տնտեսական տարածքի մասին համաձայնագրի վրա։
«Կարծում եմ, որ ավելի հավանական է, որ 10 տարի հետո նորից հանրաքվե լինի, քան երկու տարի հետո»,- ասել է նա՝ պատասխանելով այն հարցին, թե արդյոք այս տասնամյակի ընթացքում ևս մեկ հանրաքվե անցկացնելու հնարավորություն:
Ինչպես հայտնում է Նորվեգիայի խորհրդարանի կայքը, ԵՄ-ին միանալու հանրաքվեն երկու անգամ է անցկացվել, երկու անգամ էլ նորվեգացիները դեմ են քվեարկել։
