ԱՄՆ նախագահ Դոնալդ Թրամփը ծրագրում է արմատապես կրճատել Պետքարտուղարությունը՝ թողնելով այն ավելի քիչ դիվանագետներով, ավելի քիչ դեսպանատներով և գործունեության ավելի նեղ շրջանակով, հայտնում է Politico-ն՝ հղում անելով իրազեկ աղբյուրներին։
Ինչպես նշում է հրատարակությունը, Թրամփի վարչակազմը մտադիր է գերատեսչության աշխատանքը կենտրոնացնել այնպիսի ոլորտների վրա, ինչպիսիք են գործարքային կառավարական համաձայնագրերի կնքումը, ԱՄՆ անվտանգության ապահովումը և Ամերիկայում օտարերկրյա ներդրումների խրախուսումը։
«Փոփոխությունները նշանավորում են պատմական բաժնի վերակառուցումը, որի աշխատանքն ու շրջանակն ընդլայնվել են տասնամյակների ընթացքում՝ ներառելով արտասահմանում ամերիկյան ազդեցության ամրապնդմանն ուղղված ջանքերը՝ հաքերներից պաշտպանվելուց մինչև հաշմանդամություն ունեցող մարդկանց պաշտպանությունը», - գրում է Politico-ն:
