Եվրամիությունը կարող է Կիևի համար իր տարածքում սպառազինությունների պահեստ ստեղծել անվտանգության երաշխիքների շրջանակներում, այդ մասին հայտարարել է Ֆրանսիայի պաշտպանության նախարար Սեբաստիան Լեկոռնյուն։
«Անվտանգության երաշխիքները կարող են տարբեր ձևեր ընդունել մեր քննարկումների ընթացքում՝ հաշվի առնելով տնտեսական շահերը, Ուկրաինայի տարածքում սպառազինությունների համատեղ արտադրությունը։ Ես նաև մտածում եմ Ուկրաինայի համար զենքի պահեստ ստեղծելու մասին, որի համար նաև, հնարավոր է, վճարի Եվրոպան։
Նոր հակամարտության դեպքում մենք կկարողանանք դրանք անհապաղ փոխանցել Ուկրաինային։ Մենք առաջ կքաշենք այս գաղափարը, որպեսզի դրան միանան տարբեր երկրներ», - ասել է նա Franceinfo ռադիոկայանի եթերում։Լեկոռնյուն նաև չի բացառել, որ Ֆրանսիան կարող է օգտագործել միջուկային զսպման ուժերը՝ ԵՄ այլ երկրների պաշտպանության համար։
