44-օրյա պատերազմում նահատակված զինծառայող Ժիրայր Մարգարյանի մայրը՝ Նաիրա Մարգարյանը, ֆեյսբուքյան իր էջում՝ դիմելով Գյումրիի համայնքապետի ՔՊ-ական թեկնածու Սարիկ Մինասյանին, գրում է.
«Սարիկ Մինասյան, խոսքս ուղղում եմ քեզ. վաղը քեզ սպասում եմ Շիրակի պանթեոնում ու նայես տղերքի նկարներին ու իմ աչքերին, ասես՝ ով չի կռվել։ Էդ դուք չեք կռվել, վիժվածքներ։ Եթե համարձակություն ունես»։
Հիշեցնենք, որ այսօր ՔՊ-ական Սարիկ Մինասյանը լրագրողների հետ զրույցում Արցախի մասին «Մեդիահաբի» հարցին ի պատասխան՝ Արցախի կորսստի համար մեղադրել է բոլորին չկռվելու մեջ։
«Արցախը Փաշինյանը չի հանձնել, չենք կռվել։ Ես, դու չենք կռվել։ Բոլորս պիտի կռվեինք»։
Հարցին՝ բա այդքան զոհ որտեղի՞ց, որ չենք կռվել, Սարիկ Մինասյանը պատասխանել է. «Ով որ կռվել է՝ զոհվել է, փառք իրենց»։
