Գերմանիայի նախկին կանցլեր Անգելա Մերկելը (2005-2021) հայտարարել է, որ ԱՄՆ նախագահ Դոնալդ Թրամփի հետ դժվարին հարաբերություններում պետք է գտնել ընդհանուր լեզու, իսկ հակառակ դեպքում՝ «պետք է դիրքավորվել առանց վախի կամ շողոքորթության»։
«Չփորձել չափազանց հաճելի լինել, գոնե ես երբեք պատրանքներ չեմ ունեցել դրա վերաբերյալ, նույնիսկ երբ ամեն ինչ լավ էր ընթանում, բայց նաև չփորձել չափազանց սադրիչ լինել։ Ես միշտ հետևել եմ այդ կանոնին», - ասել է Մերկելը Focus ամսագրին տված հարցազրույցում։
Միևնույն ժամանակ, նա զգուշացրել է ամերիկացի առաջնորդին թերագնահատելուց։
«Նման պաշտոն զբաղեցնողը ով էլ որ լինի, ունի անհավանական իշխանություն։ Եվ, հետևաբար, դա պետք է շատ, շատ լուրջ ընդունել», - հայտարարել է Գերմանիայի նախկին կանցլերը։
Ավելի վաղ՝ Reuters-ին տված հարցազրույցում Թրամփը հայտարարել է, որ զզվում է ՆԱՏՕ-ից և մտածում է ԱՄՆ-ին դաշինքից դուրս բերելու մասին։ Բրիտանական The Daily Telegraph թերթին տված հարցազրույցում ԱՄՆ վարչապետը բացատրել է, որ մտածում է վերանայել ԱՄՆ-ի մասնակցությունը ՆԱՏՕ-ին, քանի որ դաշինքը չի կարողացել աջակցել Վաշինգտոնին Թեհրանի հետ պատերազմում։
Նույն հարցազրույցում ամերիկացի առաջնորդը ՆԱՏՕ-ն անվանել է «թղթե վագր» և խոստովանել, որ երբեք մեծ համակրանք չի ունեցել այդ կազմակերպության նկատմամբ։
