Կանադական մի քանի սրճարաններ իրենց ճաշացանկում փոխել են Americano անվանումը Canadiano՝ ի նշան բողոքի ԱՄՆ նախագահ Դոնալդ Թրամփի քաղաքականության դեմ, հայտնում է The Washington Post-ը:Ինչպես նշում է հրատարակությունը, սրճարանները դժգոհ են Օտտավայի դեմ ներմուծվող ապրանքների վրա մաքսատուրքեր սահմանելու Վաշինգտոնի մտադրությունից, ինչպես նաև Թրամփի հռետորաբանությունից, որը բազմիցս հայտարարել է Հյուսիսային Ամերիկան ԱՄՆ 51-րդ նահանգը դարձնելու իր ցանկության մասին։
Բրիտանական Կոլումբիայի Kicking Horse սրճարանն անվանափոխության արշավ է սկսել՝ կոչ անելով մյուս հաստատություններին հետևել օրինակին:
Սոցցանցերի օգտատերերը այդ գաղափարը համարել են անհեթեթություն՝ հիշելով անվան ծագումը։ Ենթադրվում է, որ այն առաջացել է Երկրորդ համաշխարհային պատերազմի ժամանակ, երբ ամերիկացի զինվորները Իտալիայում արշավի ժամանակ իտալական սուրճը նոսրացրել են ջրով, որը նրանք չափազանց թունդ են համարել։Kicking Horse-ը շուտով ջնջել է իր գրառումը, սակայն որոշ հաստատություններ Բրիտանական Կոլումբիայում և Տորոնտոյում ընդունել են այդ գաղափարը և նույն կերպ փոխել խմիչքի անվանումը իրենց ճաշացանկում:
