Իսրայելցի պատանդ Օհադ Յաալոմիի մարմինը, ով նույնպես Ֆրանսիայի քաղաքացիություն ուներ, Իսրայելին կհանձնեն հինգշաբթի՝ փետրվարի 27-ին։ Դա հաստատել է ՀԱՄԱՍ-ի դաշնակիցներից մեկը՝ պաղեստինյան «Ան-Նասեր Սալահ ադ-Դին բրիգադներ» արմատական խմբավորումը, որը հանդիսանում է «Ժողովրդական դիմադրության կոմիտեներ» շարժման ռազմական թեւը։
«Որպես Իսրայելի հետ գործարքի մաս, մենք հինգշաբթի օրը որոշեցինք գերի Օհադ Յաալոմիի մարմինը տեղափոխել մյուս կողմ»,-գրել է խմբի խոսնակ Աբու Աթայը Telegram-ի իր ալիքում:
Ավելի վաղ՝ փետրվարի 26-ին, ՀԱՄԱՍ-ը հայտարարել էր, որ Իսրայելը կազատի մի խումբ պաղեստինցի բանտարկյալների, որոնք պետք է ազատ արձակվեին փետրվարի 22-ին՝ իսրայելցի պատանդների մարմինները փոխանցելու դիմաց։
Արմատականներն ասել են, որ համաձայնությունը ձեռք է բերվել Կահիրեում բանակցություններից հետո, որտեղ շարժման պատվիրակությունը՝ Գազայի Համասի առաջնորդ Խալիլ ալ-Հայայի գլխավորությամբ, Եգիպտոսի պաշտոնյաների հետ քննարկել է նաև «հրադադարի համաձայնագրի իրականացումը, պատանդների փոխանակումը և բանակցությունների երկրորդ փուլի հեռանկարները»:
