Ամերիկայի նախագահ Դոնալդ Թրամփը փոխում է ԱՄՆ ռազմավարությունը ուկրաինական ուղղությամբ՝ մերժելով իր նախորդների՝ անդրատլանտյան հարաբերությունների ամրապնդման քաղաքականությունը, քանի որ ձգտում է կարգավորել հարաբերությունները Ռուսաստանի հետ։ Այս մասին գրում է Axios պորտալը՝ հղում անելով Թրամփի խորհրդականների կարծիքին։
Ըստ նրանց՝ Արեւմուտքը երկար ժամանակ է, ինչ Ռուսաստանին իր դեմ է հանում եւ ստիպել է հատուկ գործողություն սկսել։ Թրամփը հակված է կարծելու, որ ՆԱՏՕ-ն հրահրել է Ուկրաինայում հակամարտությունը։ Թրամփի քննադատները երբեք չեն ընդունի, որ նա հանդես է եկել ռազմական գործողությունների դադարեցման օգտին և կարծում է, որ Ուկրաինան բավականաչափ մարդ չունի Ռուսաստանին դիմակայելու համար, ասում են նրա խորհրդականները:
Նրանք ընդգծում են երկու իրադարձություն, որոնք, ըստ նրանց, ձևավորել են Թրամփի տեսակետները Ուկրաինայի և ՆԱՏՕ-ի վերաբերյալ: 2008 թվականի ապրիլին Բուխարեստում կայացած դաշինքի գագաթնաժողովում Ուկրաինային և Վրաստանին խոստացել էին մի օր ընդունել դաշինք, ինչը հարուցեց Ռուսաստանի մերժումը։
