Մեծ Բրիտանիայի իշխանությունները քննարկում են եվրոպացի առաջնորդների խումբ հրավիրելու հնարավորությունը՝ Ուկրաինայի շուրջ ստեղծված իրավիճակի շուրջ հետագա բանակցությունների համար։ Այս մասին հայտնում է Bloomberg-ը՝ հղում անելով իրազեկ աղբյուրներին։
Հանդիպումը կարող է կայանալ մարտի 2-ին՝ կիրակի օրը, և կլինի նախորդ շաբաթ Փարիզում կայացած հանդիպման շարունակությունը։ Աղբյուրները նշել են, որ ծրագրերը դեռ վերջնական տեսքի չեն բերվել և կարող են փոփոխվել։ Հնարավոր է, որ հանդիպումը կարող է վիրտուալ անցկացվել։
Փետրվարի 17-ին Ֆրանսիայի նախագահ Էմանուել Մակրոնի նախաձեռնությամբ Փարիզում բանակցություններ են կազմակերպվել եվրոպական ութ երկրների ղեկավարների, ինչպես նաև ԵՄ և ՆԱՏՕ-ի կառույցների ներկայացուցիչների միջև։ Հանդիպումն ավարտվել է առանց համատեղ հայտարարության։
