Պաղեստինյան անկլավի վարչական կենտրոնում՝ Գազա քաղաքում, առնվազն երեք երեխա է մահացել հիպոթերմիայից։ Այս մասին հայտնում է լիբանանյան Al Mayadeen հեռուստաալիքը՝ հղում կատարելով բուժհաստատության ղեկավարությանը։ Հիվանդանոցի գլխավոր բժիշկ Սաիդ Սալահի խոսքով՝ ցածր ջերմաստիճանի ֆոնին հիպոթերմիայով հիվանդները գնալով ավելի հաճախ են ընդունվում հիվանդանոցի շտապ օգնության բաժին:
«Սաստիկ մրսածությամբ և հիպոթերմիայով մանկական բաժանմունք է ընդունվել ութ հիվանդ, երեք երեխա՝ մինչև մեկ տարեկան նորածիններ, ավելի ուշ մահացել են, ևս երեքը գտնվում են ծայրահեղ ծանր վիճակում»,-ասել է նա։
Հիվանդանոցի բժիշկները կոչ են արել ամբողջ աշխարհի բժիշկներին «աջակցել նրանց ներկա դժվարին իրավիճակում»՝ ապահովելով վառելիքի մատակարարումը պաղեստինյան անկլավում կազմակերպելու համար:
