Լեհաստանը մարտական ինքնաթիռներ է օդ բարձրացրել՝ ի պատասխան Ռուսաստանի գործողությունների: Այս մասին հայտնում է Լեհաստանի զինված ուժերի օպերատիվ հրամանատարությունը X-ում։
«Ուշադրություն, Ռուսաստանի Դաշնության հեռահար ավիացիայի ակտիվության շնորհիվ, հարվածային թիրախներին, այդ թվում՝ Ուկրաինայի արևմուտքում, ռազմական ավիացիան սկսել է գործել Լեհաստանի օդային տարածքում», - ասվում է հաղորդագրությունում։
Նշվում է, որ լեհական բանակը պատրաստության վիճակի է բերել նաև ցամաքային հակաօդային պաշտպանության և ռադիոտեղորոշիչ հետախուզության համակարգերը։
Լեհաստանի զինված ուժերն այս միջոցը վերջին անգամ կիրառել են փետրվարի 1-ին։
