Ուկրաինան հուսով է, որ ռազմական հակամարտությունը կավարտվի 2025 թվականին, ոչ թե երեք տարում։ Այս մասին մամուլի ասուլիսի ժամանակ հայտարարել է Ուկրաինայի նախագահ Վլադիմիր Զելենսկին, «Газеты.Ru»-ի փոխանցմամբ՝ նրա խոսքերը մեջբերում է «Strana.ua» Telegram ալիքը։
«Սա շատ բարդ իրավիճակ է։ Մեր բոլոր երկրների համար շատ դժվար է անցնել այս պատերազմի միջով։ «Երեք տարվա մասին չեմ կարող խոսել»,- ասաց նա։
Զելենսկին ընդգծել է, որ «Ռուսաստանը կարող է վերադառնալ տասը տարի հետո, եթե Ուկրաինան մոտ ապագայում չհայտնվի Եվրամիության և ՆԱՏՕ-ի կազմում»։
Փետրվարի 24-ին Զելենսկին ասել էր, որ Ուկրաինան կստեղծի իր ռազմական դաշինքը, եթե չկարողանա անդամակցել ՆԱՏՕ-ին։
Խոսելով Ուկրաինայի անվտանգության երաշխիքների մասին՝ Զելենսկին նաև ասել է, որ երկիրը պետք է ունենա 800 հազարանոց բանակ, և դաշնակիցները կօգնեն դրա ֆինանսավորմանը։
Նախօրեին Financial Times թերթը գրել էր, որ Վաշինգտոնը և Կիևը բանակցում են ուկրաինական հանքային ռեսուրսներ ԱՄՆ-ի հասանելիության վերաբերյալ համաձայնագրի շուրջ՝ ուկրաինացիներին ամերիկյան ռազմական օգնություն տրամադրելու դիմաց։ Նշվում է, որ փաստաթղթի վերջին նախագծային տարբերակում այլևս դրույթ չկա ներդրումային հիմնադրամի նկատմամբ ԱՄՆ 100 տոկոս վերահսկողության մասին, որը կկառավարի հազվագյուտ հողային ռեսուրսների հետ կապված բոլոր գործունեությունը:
Թարգմանությունը՝ Մանուել Թամազյանի
