Ֆրանսիական Թուլուզ քաղաքում երկու անօթևան մարդիկ փողոցում կայանված մեքենայից ուսապարկ են գողացել։ Ուսապարկի մեջ եղել են փաստաթղթեր և դրամապանակ՝ բանկային քարտերով, որոնցից մեկով հանցագործները վիճակախաղի տոմս են գնել։
Հայտնում է Интерфакс-ը՝The Guardian-ին հղումով, գողությունը տեղի է ունեցել փետրվարի 3-ին, սակայն ավելի ուշ պարզվել է, որ գնված տոմսը շահող է եղել։ Ենթադրվում է, որ հաղթողը պետք է ստանա 500 հազար եվրո, սակայն, ինչպես հայտնում են տեղական լրատվամիջոցները, հարց է առաջացել, թե ով է այն ստանալու։
42-ամյա տղամարդը, ում ուսապարկը գողացել էին, դիմել է ոստիկանություն և բանկ, սակայն գողերին հաջողվել է օգտագործել մոտակա խանութի վարկային քարտը։ Աշխատակիցը հիշել է կասկածելի արտաքինով երկու հաճախորդների, ովքեր գնել են ծխախոտ և վիճակախաղի տոմսեր։ Նրանք քերծել են պաշտպանիչ շերտը և պարզել, որ տոմսը շահող է։ Վաճառողը բացատրեց, որ վճարումը պետք է կատարվի ազգային վիճակախաղի օպերատորի միջոցով։
Լրատվամիջոցների տեղեկությունների համաձայն, գողերը երբեք չեն ներկայացել իրենց շահումները պահանջելու համար, և ոստիկանությունը ասում է, որ վիճակախաղի օպերատորը արգելափակել է տոմսը, մինչ հետաքննությունը շարունակվում էր:
Բանկային քարտի տերը մոտեցել է գողերին՝ առաջարկելով դիմել իր փաստաբանին։ Նա պատրաստ է կիսել շահումները։
«Իմ պաշտպանյալը շատ ուրախ է, որ իր կրեդիտ քարտը գողացել են և չի պատրաստվում մեղադրանք առաջադրել»,- վստահեցրեց փաստաբանը։
Սակայն գողերը դեռ չեն կապվել տղամարդու հետ, և վիճակախաղի պայմանների համաձայն՝ շահումները պետք է հավաքվեն մինչև մարտի 5-ը։
Թարգմանությունը՝ Մանուել Թամազյանի
