Սլովակիայի վարչապետ Ռոբերտ Ֆիցոն ասել է, որ ինքը քննարկել է Միջազգային զարգացման գործակալության (USAID) փակումը ԱՄՆ Կառավարության արդյունավետության դեպարտամենտի (DOGE) ղեկավարի և ձեռնարկատեր Իլոն Մասկի հետ՝ ասելով, որ ԱՄՆ-ը շահագրգռված չէ օգտագործել իր փողերը այլ երկրների գործերին միջամտելու համար։
«Ուրախ եմ ձեզ տեղեկացնել Պետական կառավարման արդյունավետության դեպարտամենտի բարձրագույն ներկայացուցիչ, հայտնի մուլտիմիլիարդատեր Իլոն Մասկի հետ հանդիպման մասին։
Մենք խոսեցինք փակված USAID-ի մասին, սա ամերիկյան գործակալություն է, որը բավականին մեծ ֆինանսական միջոցներ է հատկացրել Սլովակիայի ոչ կառավարական կազմակերպություններին և լրատվամիջոցներին, որոնց հետ այդ հակակառավարական լրատվամիջոցները և տարբեր հակակառավարական կազմակերպություններ հետո հակակառավարական գործունեություն են ծավալել։
Պարոն Մասկը մեզ վստահեցրեց, որ այս դարաշրջանն ավարտվել է, քանի որ ԱՄՆ նոր նախագահի վարչակազմը շահագրգռված չէ ամերիկյան փողերով այլ երկրների ներքին գործերին միջամտել»,- ասել է Ֆիցոն ԱՄՆ-ում տեսաուղերձի ժամանակ, որտեղ նա ժամանել է մասնակցելու պահպանողական ֆորումին։
