Թուրքիայի արտգործնախարար Հաքան Ֆիդանը ակնկալում է երկկողմ բանակցություններ Ռուսաստանի արտգործնախարար Սերգեյ Լավրովի հետ հինգշաբթի օրը Յոհանեսբուրգում Քսանյակի (G20) ԱԳ նախարարների հանդիպման շրջանակում։ Այս մասին ՏԱՍՍ-ին հայտնել է Թուրքիայի ԱԳՆ-ի աղբյուրը։
«Արտաքին գործերի նախարար Հաքան Ֆիդանը փետրվարի 20-ին G20-ի արտգործնախարարների հանդիպման շրջանակներում կմասնակցի MIKTA երկրների (Մեքսիկա, Ինդոնեզիա, Հարավային Կորեա, Թուրքիա, Ավստրալիա) ԱԳ նախարարների 27-րդ հանդիպմանը։ Նախարարն այսօր նախատեսել է երկկողմ հանդիպումներ՝ այդ թվում՝ Ռուսաստանի Դաշնության արտաքին գործերի նախարար Սերգեյ Լավրովի, Չինաստանի Ժողովրդական Հանրապետության արտաքին գործերի նախարարության ղեկավար Վան Յիի հետ»,- ասել է աղբյուրը։
