ԱՄՆ նախագահ Դոնալդ Թրամփը Վենեսուելան անվանել է թշնամի և ասել, որ չի ցանկանում, որ ամերիկյան ընկերությունները շարունակեն նավթ գնել այնտեղից։
«Մենք Վենեսուելային դրեցինք ծանր դրության մեջ։ Թվում էր, թե ամեն ինչ շատ լավ կլինի։ Եվ հետո ԱՄՆ-ի նախկին նախագահ Ջո Բայդենը եկավ և, ինչպես միշտ, ամեն ինչ փչացրեց, նրա օրոք սկսեցին միլիարդավոր դոլարների նավթ գնել Վենեսուելայից։
Ինչո՞ւ նրանք դիմեցին թշնամուն։ Իմ օրոք նման որոշում չէր կայացվի»,-երեքշաբթի ասել է Թրամփը՝ խոսելով իր առաջին նախագահական ժամկետում Կարակասի դեմ լայնածավալ պատժամիջոցների ներդրման մասին։
Հարցին, թե արդյոք նա մտադիր է շարունակել թույլ տալ ամերիկյան ընկերություններին, ներառյալ Chevron-ին, նավթ գնել Վենեսուելայից, Թրամփը ասել է, որ իրենք քննարկում են այդ հարցը։
